Դեկտեմբերի 6, 7 և 8-ին Երևան-Գյումրի-Երևան ուղղությունում կաշխատեն 2-ական արագընթաց և 3-ական սովորական էլեկտրագնացքներ

Սպիտակի երկրաշարժի զոհերի հիշատակի օրվա կապակցությամբ դեկտեմբերի 6, 7 և 8-ին նշանակվել են Երևան-Գյումրի-Երևան №102/103 արագընթաց էլեկտրագնացքների լրացուցիչ ուղերթներ.Yerkir.am-ին տեղեկացնում են «Հարավկովկասյան երկաթուղի» ՓԲԸ-ից՝ մանրամասնելով , որ նշված օրերին լրացուցիչ գնացքներ Երևանից կմեկնեն ժամը 10:30, Գյումրիից՝ 19:40: 

Այսպիսով, ուղևորների հարմարավետության համար հիշատակի օրերին Երևան-Գյումրի-Երևան ուղղությունում կաշխատեն երկուական արագընթաց և երեքական սովորական էլեկտրագնացքներ:

Երթևեկության կարգին կարելի է ծանոթանալ «Հարավկովկասյան երկաթուղի» ՓԲԸ պաշտոնական կայքի «Ուղևորատար գնացքների չվացուցակ» բաժնում: