Թուրքիան, չնայած ԵՄ սպառնալիքներին, սկսել է հորատման աշխատանքները Կիպրոսի ափերին

Թուրքական «Ֆաթիհ» հորատող նավը, չնայած ԵՄ-ի՝ պատժամիջոցների վերաբերյալ սպառնալիքներին, Կիպրոսի ափերին սկսել է ածխաջրածինների որոնողական աշխատանքները. ըստ «Անադոլու» գործակալության՝ հայտնել է Թուրքիայի փոխնախագահ Ֆուաթ Օքթայը:

««Ֆաթիհ» նավը ավարտել է հետախուզական հորատման աշխատանքները Թուրքիայի մայրցամաքային ծանծաղուտներում և անցել է նոր առաքելության Կիպրոսի Կարպաս թերակղզու հարավում»,- նշել է նա:

Ըստ Օքթայի՝ ԵՄ պատժամիջոցները չեն ազդի Միջերկրական ծովում Անկարայի ծրագրերի վրա:

Հիշեցնենք, որ Կիպրոսի ափերին Թուրքիայի գործողությունները քննադատությունների ալիք են բարձրացրել, և պահանջվել է դադարեցնել նավթագազային որոնողական ապօրինի աշխատանքները: