Վարչապետը հայտարարություններ է անում, հետո պարզվում է բյուջեի նախագծում դա արտահայտված չէ, այ քեզ բան. Փաշինյան

Ես համաձայն չեմ, որ մենք նստենք՝ տարբեր խորհրդակցություններով կայացնենք որոշումներ, հետո նախարարը գնա, ասի՝ դե լավ, խոսացինք, անցավ, գնաց, չկա տենց բան: Այս մասին այսօր կառավարության նիստում հայտարարեց ՀՀ վարչապետ Նիկոլ Փաշինյանը «Դեղերի մասին» օրենքի փոփոխությունների քննարկման ժամանակ:

«Այն, ինչ խոսացվել է, սկզբունքները պահվել են, պետք է ճշգրիտ կիրառվեն: Նախորդ դռնփակ նիստում էլ այդպես եղավ. Օրինակ՝ վարչապետը հայտարարություններ է անում, որ 2020 թվականին այսպիսի խնդիր ենք լուծում, հետո պարզվում է բյուջեի նախագծում դա արտահայտված չէ: Այ քեզ բան: Սա հո ստեղծագործական ինքնագործունեության խմբակ չի՞: Հակառակ դեպքում՝ ինչի՞ ենք ոստիկանության, ՊԵԿ-ի, մյուսների արտաբյուջեները փակել»,- ասաց նա: