Բերքի տոն՝ Երևանում

Գյուղական կյանքի և ավանդույթների 6-րդ փառատոնի հիմնական նպատակը Հայաստանում կայուն գյուղատնտեսություն  և գյուղական համայնքների զարգացումն է: «Կանաչ արահետ» ՀԿ-ի (համատեղությամբ՝ Էկոնոմիկայի նախարարության և Երևանի քաղաքապետարանի) նախաձեռնած փառատոնին այս տարի մասնակցում էին 200 օրգանական և բնական գյուղմթերք արտադրողներ, ավանդական ֆերմերային խմբեր, գյուղատնտեսության ոլորտի ձեռներեցներ և կանանց խմբեր Հայաստանի բոլոր մարզերից և արտերկրից: Փառատոնն ուղեկցվել է բնական ու ավանդական գյուղմթերքի տոնավաճառով: Գյուղական կյանքի և ավանդույթների փառատոնում ցուցադրվել են նաև հեռավոր մարզերի արհեստագործների կողմից պատրաստված ձեռագործ աշխատանքները: