Դեսպան Մկրտումյանը հանդիպել է ԱՄԷ-ի շրջակա միջավայրի և կլիմայի փոփոխության նախարարի հետ

Արաբական Միացյալ Էմիրություններում ՀՀ դեսպան Մհեր Մկրտումյանը hուլիսի 16-ին հանդիպել է ԱՄԷ շրջակա միջավայրի և կլիմայի փոփոխության նախարար Թանի ալ-Զեյուդիի (Thani al-Zeyoudi) հետ:

ՀՀ ԱԳՆ լրատվության և հանրային դիվանագիտության վարչությունից հայտնեցին, որ հանդիպման ընթացքում կողմերը քննարկել են շրջակա միջավայրի բնագավառում երկու երկրների միջև փորձի փոխանակման, ինչպես նաև համատեղ ծրագրերի իրականացման վերաբերյալ մի շարք հարցեր:

Զրուցակիցները մտքեր են փոխանակել նաև գյուղատնտեսության բնագավառում հնարավոր համագործակցության, այդ ոլորտում ներգրավված գործարարների փոխայցեր կազմակերպելու հնարավորությունների շուրջ: