Ռոհանին մեղադրել է միջուկային գործարքի անդամներին «գոյություն չունեցող աջակցության» համար

Իրանը չի կարող լինել միակ կողմը, որը կատարում է իրանական միջուկային գործարքի շրջանակում պարտականությունները: Այդ մասին հայտարարել է Իրանի նախագահ Հասան Ռոհանին Դուշանբեում ընթացող  Ասիայում փոխգործակցության և վստահության միջոցների հարցերով խորհրդակցության գագաթնաժողովի ժամանակ. հայտնում է РИА Новости-ն:

Նա նաև մեղադրել է գործարքի անդամներին «գոյություն չունեցող աջակցության» համար:

Ռոհանին կոչ է արել մյուս կողմերին` ջանքեր գործադրել համաձայնագիրը պահպանելու համար` նշելով, որ Թեհրանը կձեռնարկի հաջորդ քայլերը գործարքի շրջանակում պարտականությունների կատարման կրճատման ուղղությամբ, եթե այլ մասնակիցների կողմից դրական արձագանքներ չլինեն: