Ընտրվել է Իրաքի Քուրդիստանի նոր վարչապետը

Իրաքյան Քուրդիստանում 2018 թ. նոյեմբերին տեղի ունեցած ընտրություններից հետո  վերջապես ձևավորվում է  նոր կառավարությունը: Նոր նախագահ Նեչիրվան Բարզանիի` երեկ  տեղի ունեցած երդման արարողությունից հետո այսօր խորհրդարանը ձայների մեծամասնությամբ Քուրդիստանի դեմոկրատական կուսակցության թեկնածու Մեսրուր Բարզանիին ընտրել է նոր վարչապետ:

Սպասվում է քվեարկության մասնակցած 97 պատգամավորից 87-ի քվեն ստացած Բարզանիի կողմից նոր կառավարության կազմումը, որի պետք է տեղի ունենա 30 օրվա ընթացքում. հաղորդում է gazeteduvar.com.tr կայքը:

Նշենք, որ Մեսրուր Բարզանին Քուրդիստանի նախկին նախագահ Մեսուդ Բարզանիի որդին է և ներկայիս նախագահ Նեչիրվան Բարզանիի զարմիկը: