Փոփոխություններ «Լոռի»-ում․ առաջիկա օրերին կհայտարարվի նոր գլխավոր մարզչի անունը

«Լոռիի» մամուլի ծառայությունը պաշտոնական հաղորդագրություն է տարածել՝ դիմելով թիմի երկրպագուներին։

Հարգելի ֆուտբոլասերներ.

«Լոռի» Ֆուտբոլային ակումբը միշտ կարևորել է անմիջական կապը ֆուտբոլասերների և մասնավորապես Լոռի ակումբի երկրպագուների հետ՝ պաշտոնական հարթակներում մշտապես տեղյակ պահելով թիմում կատարվող իրադարձությունները:

Ֆուտբոլասերները ճիշտ են՝ ՀՀ Գավաթի եզրափակչից հետո Լոռիին որոշակի թուլացրել է տեղեկատվական հոսքը: Այն կապված է ակումբում տեղի ունեցող մարզչական, ադմինիստրատիվ հասարակության հետ կապերի պատասխանատու անձանց փոփոխությունների հետ: Շուտով նոր անձնակազմի նշանակումները կավարտվեն և հավաստիացնում ենք, որ առաջիկայում կվերականգնենք բնականոն աշխատանքը և դուք կշարունակեք հետևել Լոռի Ակումբի ֆուտբոլային անցուդարձին: