Թրամփը շնորհակալություն է հայտնել Էրդողանին

ԱՄՆ նախագահ Դոնալդ Թրամփը լրագրողների հետ հանդիպման ժամանակ շնորհակալություն է հայտնել Թուրքիային` ՆԱՍԱ-ի աշխատակից Սերքան Գյոլգեի ազատ արձակման հարցում Ռեջեփ Թայիփ Էրդողանի աջակցության համար. հաղորդում է Euronews-ի թուրքական ծառայությունը:

«Իմացա, որ բանտից տեղափոխվել է տնային կալանքի: Մոտ ժամանակներս Ամերիկա է տեղափոխվելու: Ցանկանում եմ շնորհակալություն հայտնել Էրդողանին օգնության համար»,- ասել է Թրամփը:

Գյոլգեն ձերբակալվել է 2016 թ., իսկ 2018 թ.` Թուրքիայում ահաբեկչական համարվող գյուլենական շարժման անդամ լինելու մեղադրանքով դատապարտվել  7 տարի 6 ամիս ազատազրկման:

Նշենք, որ Գյոլգեի ազատ արձակման մասին հայտնի է դարձել երեկ` Էրդողան-Թրամփ հեռախոսազրույցից երկու օր անց: