Իրաքյան Քուրդիստանը նոր ղեկավար ունի

Իրաքի հյուսիսում գտնվող Իրաքյան Քուրդիստան ինքնավար շրջանի ղեկավարի պաշտոնում, որը թափուր էր մնացել 2017 թվականից ի վեր, 68 քվեով ընտրվել է Նեչիրվան Բարզանին. հաղորդում է gazeteduvar.com.tr կայքը:

Քուրդիստանի դեմոկրատական կուսակցության թեկնածու Բարզանին 111 պատգամավորից կազմված խորհրդարանում 84 պատգամավորի մասնակցությամբ ընտրություններում ստացել է 68 ձայնով: Ընտրվելու համար անհրաժեշտ էր 56 ձայն: Երկրորդ մեծ կուսակցությունը` Քուրդիստանի հայրենասերների միությունը, և «Նոր սերունդ» շարժումը բոյկոտել են այդ ընտրությունները:

Նախագահի աթոռը թափուր էր մնացել այն բանից հետո, երբ ՔԴԿ առաջնորդ Մեսութ Բարզանին` Նեչիրվան Բարզանիի հորեղբայրը, հրաժարական էր տվել 2017 թ. նոյեմբերի 1-ին: