Պաշտոնական. Մխիթարյանը չի մեկնի Բաքու

Հայաստանի հավաքականի եւ Լոնդոնի «Արսենալ»-ի  կիսապաշտպան Հենրիխ Մխիթարյանը չի մասնակցի Բաքվում կայանալիք ԵԼ եզրափակիչին:  

«Արսենալ»-ի պաշտոնական կայքը հանդես է եկել հայտարարությամբ, որում մասնավորապես ասվում է.  «Մենք հիասթափված ենք, որ  Մխիթարյանը թիմի հետ չի մեկնի Բաքու: Ուսումնասիրել ենք բոլոր տարբերակները, որպեսզի Հենրիխը լինի թիմի կազմում, սակայն ֆուտբոլիստի ու նրա ընտանիքի հետ քննարկումներից հետո եկանք կոլեկտիվ համաձայնության, որը նա չի մեկնի թիմի հետ: Մենք նամակ ենք գրել ՈւԵՖԱ-ին՝ հայտնելով խորին մտահոգություն ստեղծված իրավիճակի վերաբերյալ: Մխիթարյանի բացակայությունը մեծ կորուստ է թիմի համար»,- ասվում է հայտարարության մեջ: 

Հիշեցնենք, որ ավելի վաղ Ադրբեջանի ԱԳՆ մամուլի քարտուղար Լեյլա Աբդուլաեւան վստահեցրել էր, թե Հենրիխ Մխիթարյանը Եվրոպայի լիգայի եզրափակիչի մասնակցության հետ կապված խնդիրներ չի ունենա։