ԻՊ-ը Թուրքիան ներառել է իր ապագա հարձակումների ցուցակում

«Իսլամական պետություն» ահաբեկչական կազմակերպությունը հայտարարել է 36 մահապարտների հարձակման մասին: Այս մասին հաղորդում է cumhuriyet.com.tr կայքը:

Կազմակերպության, այսպես կոչված, արտաքին հարաբերությունների պատասխանատու Էբու Համզայի կողմից հանձնարարական է ուղարկվել մահապարտ ահաբեկիչների կրթության (Թեֆհիհ) պատասխանատուին` Էբու Մալիքին: Ըստ փաստաթղթի` Մալիքին տրվել է հրաման` «ամենակարճ ժամկետում 36 մահապարտ ահաբեկիչ պատրաստել»:

Այդ ահաբեկիչները կուղարկվեն 14 տարբեր երկրներ: Նշվում է, որ այդ երկրների թվում են, Լիբիայից, Ալժիրից և ասիական մի շարք երկրներից բացի, նաև Թուրքիան և ԵՄ պետությունները: