Ադրբեջանում մայիսի 20-24-ը կանցկացվեն լայնամասշտաբ զորավարժություններ

Ադրբեջանում մայիսի 20-24-ը կանցկացվեն  լայնամասշտաբ օպերատիվ-մարտավարական զորավարժություններ, որոնց կմասնակցեն զորքերի, զորամիավորումների և ազգային բանակի միավորումների տարբեր տեսակներ. հայտնում է Minval.az-ը:

Նշվում է, որ զորավարժություններն անցկացվելու են Ադրբեջանի ՊՆ ղեկավար Զաքիր Հասանովի ղեկավարության ներքո:

Զորավարժությունների հիմնական թեման լինելու է գիշերային ժամերին հակառակորդի հարձակման  հետ մղումը՝ տարբեր ուղղություններով հակահարվածներ հասցնելով, գրոհի անցնելով:

Տեղեկության համաձայն` զորավարժություններին կմասնակցի մինչև 10 000 զինծառայող, 150 միավոր տանկ և այլ զրահատեխնիկա, տարբեր տրամաչափի մինչև 200 հրթիռահրետանային համակարգեր, համազարկային կրակի ռեակտիվ համակարգեր և ականանետներ, մինչև 35 ինքնաթիռ և ուղղաթիռ: