ԱՄՆ Կոնգրեսի Ներկայացուցիչների պալատում ներկայացված նախագիծը Թուրքիային կոչ է անում հրաժարվել ռուսական Ս-400 համակարգեր գնելուց

ԱՄՆ Կոնգրեսի Ներկայացուցիչների պալատում ներկայացված նախագիծը Թուրքիային կոչ է անում հրաժարվել ռուսական Ս-400 զենիթահրթիռային համակարգեր գնելուց:

«Մենք Թուրքիային հստակ ազդանշան ենք ուղարկում։ Երկու կուսակցությունների ընդլայնված կոնսենսուսն այն է, որ Թուրքիայի` Ս-400-ներ գնելու պարագայում  այն չպետք է Ֆ-35 կործանիչներ ստանա: Երկրի կողմից Ս-400-ների ձեռք բերումը կարող է սպառնալ ԱՄՆ-ի ազգային անվտանգությանը: Թուրքիան պետք է չեղարկի գործարքը և դրա փոխարեն համագործակցի ԱՄՆ-ի հետ, քանի որ համատեղ աշխատանքը բխում է մեր ընդհանուր շահերից»,- նշվում է Ներկայացուցիչների պալատի հանրապետականների առաջնորդ Քևին Մաքարթիի հայտարարությունում: