Վրաստանը դեմ է Ռուսաստանի` Բաքու-Թբիլիսի-Կարս նախագծին միանալուն

Պայմանագրի անդամերից ոչ ոք իրավունք չունի միակողմանիորեն փոփոխելու ինչ-որ բան Բաքու-Թբիլիսի-Կարս նախագծում, առավել ևս` ի վնաս Վրաստանի շահերի: Այդ մասին լրագրողներին ասել է Վրաստանի էկոնոմիկայի և կայուն զարգացման նախարար Նատիա Տուրնավան` մեկնաբանելով տարածված տեղեկությունը, թե Ռուսաստանը կարող է միանալ նախագծին. հայտնում է Minval.az-ը:

Նրա խոսքով` հանդիպումները կարող են տարբեր ձևաչափերով լինել և այլ թեմատիկայով, սակայն առանց Վրաստանի մասնակցության նախագծում որևէ փոփոխություն չի կարող լինել:

Օրերս Ռուսաստանի, Թուրքիայի և Ադրբեջանի երկաթուղային ընկերությունների ղեկավարները եռակողմ հուշագիր են ստորագրել Բաքու-Թբիլիսի-Կարս նախագծի շրջանակում երկաթուղային փոխադրումների ոլորտում համագործակցության մասին: