Շրի Լանկայի կաթոլիկ եկեղեցիները փակ կլինեն մինչև կղզու անվտանգության իրավիճակի բարելավումը

Շրի Լանկայի կաթոլիկ եկեղեցիները փակ կլինեն մինչև կղզու անվտանգության իրավիճակի բարելավումը: Այս մասին տեղեկացնում է TRT-ն:

Աղբյուրը նշում է, որ, տեղական եկեղեցիներից մեկի ներկայացուցչի տեղեկացմամբ, անվտանգության ծառայությունների խորհրդով երկրի եկեղեցիները փակ  կլինեն, իսկ ժամերգություններ չեն կատարվի մինչև կարգադրությունը:

Հիշեցնենք, որ Շրի Լանկայում Զատիկի տոնին` կիրակի օրը պայթյունների շարք էր որոտացել, որոնցից առաջին վեցը`Կոլոմբոյի, Նեգոմբոյի և Բատիկալոայի տաճարներում և երեք հյուրանոցներում, 7-րդը՝ կղզու արևմտյան հատվածում, իսկ 8-րդը՝ Կոլոմբոյի շրջակայքում գտնվող բնակելի համալիրում:

«Իսլամական պետություն» ահաբեկչական խմբավորումը ստանձնել է պայթյունների պատասխանատվությունը: