Ղազախ քաղաքական գործիչը խոստանում է ճանաչել Հայոց ցեղասպանությունը

Ղազախստանի հասարակական-քաղաքական գործիչ, Ղազախստանի Ինտերնացիոնալ շարժման առաջնորդ Բախըտժան Կոպբաևը հայտնել է երկրի նախագահի պաշտոնում ընտրվելու դեպքում Հայոց ցեղասպանությունը ճանաչելու մտադրության մասին: Այս մասին նա ասել է «Виртуальный дискуссионный клуб «Мысль» ֆեյսբուքյան էջին տված հարցազրույցում. տեղեկացնում է Русарминфо-ն:

 «Եթե մենք ճանաչում ենք հրեաների նկատմամբ հիտլերականների իրականացրած ֆիզիկական ոչնչացումը, ապա ինչպե՞ս կարող ենք աչք փակել Օսմանյան կայսրության իշխանությունների համանման գործողությունների վրա: Բոլոր փաստերը փաստաթղթերով արձանագրված են ինչպես արևմտյան երկրների, այնպես էլ հենց թուրքերի կողմից»,- ասել է նա: