Մարուքյանը վարչապետին առաջարկել է ետ կանչել ՏՄՊՊՀ նախագահի պաշտոնում առաջադրված Գեղամ Գևորգյանի թեկնածությունը

ՀՀ Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը վարչապետ Նիկոլ Փաշինյանին առաջարկել է ետ կանչել ՏՄՊՊՀ նախագահի պաշտոնում առաջադրված Գեղամ Գևորգյանի թեկնածությունը:

Պատգամավորն իր ֆեյսբուքյան էջում գրել է. «Սիրելի՛ քաղաքացիներ, քիչ առաջ իմ կողմից ՀՀ վարչապետ Նիկոլ Փաշինյանին գրություն է ուղարկվել՝ կապված ՀՀ ՏՄՊՊՀ նախագահի թեկնածուի ստաժի անբավարարության հետ։ Այդ հիմքով՝ իմ կողմից առաջարկվել է հետ կանչել Գեղամ Գևորգյանի թեկնածությունը»:

ՏՄՊՊՀ նախագահի պաշտոնում Գեղամ Գևորգյանի թեկնածության քննարկման ու ընտրության հարցն ընդգրկված է ԱԺ նիստի օրակարգում: Նրա թեկնածությունն առաջադրել է ՀՀ վարչապետ Նիկոլ Փաշինյանը: