Եթե Ղարաբաղում պատերազմ լինի, Նախիջևանի բանակը չպետք է պասիվ լինի. պահեստազորի ադրբեջանցի գեներալ

Պահեստազորի ադրբեջանցի գեներալ-լեյտենանտ Յաշար Այդեմիրովը մեկնաբանել է ՀՀ ՊՆ ղեկավար Դավիթ Տոնոյանի հայտարարությունը «Նոր պատերազմ` նոր տարածքների» մասին. հայտնում է MInval.az-ը:

Գեներալը նշել է, որ Հայաստանը միայն խոսում է  և չի գնա նման «սադրանքի», իսկ եթե գնա, ապա «հրաշալի շանս կընձեռի Ադրբեջանին, քանի որ իրենք սպասում են հարմար առիթի` ռազմական գործողություններ սկսելու համար»:

Միևնույն ժամանակ, նա կոչ է արել Ադրբեջանին` չկորցնել զգոնությունը` նշելով, որ եթե Ղարաբաղում պատերազմ սկսվի, Նախիջևանի բանակը չպետք է պասիվ լինի:

Այդեմիրովը նաև նշել է, որ Մինջիվան-Մեղրի-Կերչիվանը «ադրբեջանական ճանապարհ» է,  և իրենք իրավունք ունեն ռազմական գործողություն սկսելու` այն բացելու համար: