Սրացում` Լիբիայում. Տրիպոլիի օդանավակայանի մատույցներում մարտեր են ընթանում

Ուրբաթ երեկոյան Լիբիայի Ժողովրդական բանակը, Խալիֆա Հաֆթարի հրամանատարությամբ, իր վերահսկողության տակ է վերցրել մայրաքաղաք Տրիպոլիի օդանավակայանը, ինչպես նաև դեպի հարավ ընկած նոր շրջաններ: Այդ մասին հայտնում է РИА Новости-ն` հրամանատարությանը մոտ իր աղբյուրին հղումով:

Օդանավակայանի մատույցներում մարտեր են ընթանում:

ՄԱԿ-ի գլխավոր քարտուղար Անտոնիո Գուտերեշը Բենղազիում հանդիպում է ունեցել Խալիֆա Հաֆթարի հետ, ինչից հետո հայտարարել է, որ խորապես մտահոգված է Լիբիայում տիրող իրավիճակով:

РИА Новости-ն նաև հաղորդում է, որ Լիբիայի ազգային համաձայնության կառավարության վարչապետ Ֆայեզ Սարաջը համաձայնել է հանդիպել Հաֆթարի հետ, սակայն նա հրաժարվել է: