Պետդեպը սխալ է ներկայացրել Չավուշօղլու-Պոմպեո հանդիպման մանրամասները. Թուրքիայի ԱԳՆ

ԱՄՆ պետդեպարտամենտի հայտարարությունը ԱՄՆ պետքարտուղար Մայք Պոմպեոյի և Թուրքիայի ԱԳՆ ղեկավար Մևլութ Չավուշօղլուի` երեկ կայացած հանդիպման վերաբերյալ չի արտացոլում հանդիպման բովանդակությունը: Այդ մասին ասվում է Թուրքիայի ԱԳՆ մամուլի խոսնակ Համի Աքսոյի հայտարարությունում. տեղեկացնում է РИА Новости-ն:

Նշենք, որ պետդեպի հայտարարությունում ասվում է, որ կողմերը քննարկել են Անկարայի կողմից Ս-400 համակարգերի գնումը, ինչպես նաև Սիրիայի հյուսիս-արևելքում կարգավորման թեման: Նշվել է, որ Պոմպեոն նախազգուշացրել է Թուրքիային` զերծ մնալ միակողմանի քայլերից:

Ըստ Թուրքիայի ԱԳՆ մամուլի խոսնակի` հայտարարությունը ոչ միայն չի արտացոլում հանդիպման օրակարգը, այլև հարցեր է պարունակում, որոնք անգամ չեն քննարկվել: