Ալլահից չեն վախենում, Թրամփից են վախենում. թուրք ընդդիմադիր գործիչ

Թուրքիայի գլխավոր ընդդիմադիր` Հանրապետական-Ժողովրդական կուսակցության նախագահ Քեմալ Քըլըչդարօղլուն Բաթման նահանգի Սասոն (Սասուն) քաղաքում ելույթի ժամանակ խիստ քննադատության է ենթարկել իշխող կուսակցությանն ու Էրդողանին. հայտնում է cumhuriyet.com.tr կայքը:

Նա մասնավորապես նշել է. «Սասունը հզոր պատմություն ունեցող գավառ է: Սակայն ամեն ինչ փակել են այստեղ: Ծխախոտը, ոլոռը, ոսպը արդեն ներկրում են, ոչ թե արտահանում: Եթե Ալլահից վախենային, շրջանը այս վիճակում կլինե՞ր: Ալլահից չեն վախենում, այլ Թրամփից և Մերկելից: Եթե Ալլահից վախենային, ոչ մի երեխա սոված փորով չէր մտնի անկողին: Բաթմանը կոչում են գործազրկության մայրաքաղաք»: