Հայկական զինված ուժերը կանգնած են հայ ժողովրդի բովանդակ շահերի պաշտպանության հիմքում. ՀՅԴ ՀԵՄ

ՀՅԴ Հայաստանի Երիտասարդական միությունը սիրով շնորհավորում է հայկական բանակում ծառայություն իրականացնող զինվորներին և սպաներին, ինչպես նաև ամբողջ հայ ժողովրդին` Հայաստանի Հանրապետության զինված ուժերի ստեղծման 27-րդ տարեդարձի կապակցությամբ:

Հայոց հաղթական բանակը մեր ժողովրդի հպարտությունն է, որի ստեղծման ու կայացման գործում անգնահատելի է բոլոր նվիրյալների ունեցած դերակատարությունը:

Հայկական բանակը կանգնած է հայ ժողովրդի բովանդակ շահերի պաշտպանության հիմքում, որի մարտունակությունը հնարավորություն է տալիս հայկական երկու հանրապետություններին և աշխարհասփյուռ հայությանը համարձակ դիմակայելու մեր ժողովրդի առջև ծառացած մարտահրավերներին և հավատալու ազգային մեծ երազանքներին:

Փա՛ռք ու պատիվ մեր հերոսական բանակին, մեր քաջարի զինվորներին

Պատի՛վ ունենք:

 ՀՅԴ Հայաստանի Երիտասարդական միություն