Հայ Դատը շնորհավորում է հայամետ կոնգրեսական Էլիըթ Էնգլի պաշտոնի բարձրացումը

ԱՄՆ Հայ Դատի հանձնախումբը շնորհավորել է Նյու Յորքի հայամետ կոնգրեսական Էլիըթ Էնգլին, որը դարձել է ԱՄՆ նորընտիր Ներկայացուցիչների պալատի արտաքին հարաբերությունների հանձնախմբի ատենապետ:

Ըստ Asbarez-ի` Էնգլը մաս է կազմում Կոնգրեսի հայկական համախմբին և վերջին տասնամյակին շարունակաբար արժանացել է ԱՄՆ Հայ Դատի հանձնախմբի բարձրագույն արժևորմանը:

Ամերիկայի Հայ Դատի հանձնախմբի  ատենապետ Րաֆֆի Համբարյանը հիշեցնում է, որ Հայ Դատը սերտ հարաբերություններ է ունեցել նախորդ ատենապետ Էդ Ռոյսի հետ, որի հետ համագործակցելով` Էնգլը Արցախի անվտանգությունը երաշխավորելու և Հայոց ցեղասպանության ճանաչումն ապահովելու նպատակով քայլեր է ձեռնարկել: