Ֆրանսիան վերացրել է Ադրբեջանին պաշտպանական զենք վաճառելու արգելքը

Ֆրանսիայի ռազմաարդյունաբերական ընկերությունները մարքեթինգային աշխատանքներ են սկսել Ադրբեջանի հետ համագործակցության ուղղությամբ. հայտնում է «Ինտերֆաքս-Ադրբեջանը»` AzeriDefence-ին հղումով:

«Պաշտոնական Փարիզը ֆրանսիական ընկերությունների համար վերացրել է Ադրբեջանին պաշտպանական նշանակության արտադրանք վաճառելու արգելքը: Այդ երկրի ռազմաարդյունաբերական ընկերություններն արդեն ձեռնարկում են մարքեթինգային աշխատանքներ»,- ասվում է հաղորդագրության մեջ:

AzeriDefence -ը նաև տեղեկացնում է, որ Ֆրանսիայի ռազմաարդյունաբերական համալիրը ADEX-2018 ադրբեջանական միջազգային պաշտպանական ցուցահանդեսում, որը կանցկացվի սեպտեմբերի 25-27-ը, ներկայացված կլինի լայն ձևաչափով: