Բախումներ` Թբիլիսիում

Թբիլիսիի «Բասիանի» և «Գալերեա» գիշերային ակումբներում այս գիշեր հատուկ գործողություն է անցկացվել, ինչի հետևանքով 8 մարդ է ձերբակալվել: Խուզարկությունների համար հիմք է դարձել դատարանի որոշումը. հայտնում է Лента.ру-ն:

 Տեղական ԶԼՄ-ների տեղեկություններով՝ ակումբների տարհանված այցելուները, որոնք դժգոհ են մնացել ուժայինների գործողություններից, անկարգություններ են սկսել երկրի խորհրդարանի շենքի մոտ, սկսվել են ուժայինների հետ բախումներ:

Վրաստանի ՆԳՆ-ի տվյալներով՝ 3 ամսվա ընթացքում հետաքննություն է անցկացվել գիշերային ակումբներում թմրանյութերի վաճառքի առնչությամբ: Ձերբակալվածների թվում է «Բասիանի» ակումբի հիմնադիրներից Զվիադ Գելբախիանին: