Դեպի Գյումրի ավտոերթը մեկնարկել է

«Իմ քայլը» նախաձեռնության առաջնորդ Նիկոլ Փաշինյանի գլխավորած ավտոերթը դեպի Գյումրի մեկնարկել է:

Հիշեցնենք, որ երեկ Հանրապետության հրապարակում Նիկոլ Փաշինյանը հայտարարել էր, որ երկու օրով Երևանում դադարեցվում են ակցիաները: «Ապրիլի 27-ին և 28-ին առժամանակ դադարեցնում ենք քաղաքացիական անհնազանդության բոլոր գործողությունները Երևանում: Սա արվում է մեր շարժման մասնակիցներին հանգստանալու հնարավորություն տալու համար: Ապրիլի 29-ից գործողությունները Երևանում ու ողջ հանրապետությունում կվերսկսվեն ամբողջ ծավալով»,- ասել էր նա:

Այսօր` ժամը 18:00-ին, հանրահավաք կանցկացվի Գյումրու Վարդանանց հրապարակում:

Վաղը` ժամը 12:00-ին, ավտոերթ է նախատեսվում դեպի Վանաձոր` ժամը 15:00-ին Վանաձորի Արցախ պուրակում հանրահավաք իրականացնելու համար: