Սառը պատերազմը վերադարձել է. ՄԱԿ-ի գլխավոր քարտուղար

ՄԱԿ-ի գլխավոր քարտուղար Անտոնիու Գուտերեշը խոստովանել է ՄԱԿ-ի Անվտանգության խորհրդի անարդյունավետությունը և խոսել նոր «սառը պատերազմի» մեկնարկի մասին. հայտնում է Лента.ру-ն:

«Սառը պատերազմը վերադարձել է»,- հայտարարել է նա` նշելով, որ, ի տարբերություն XX դարի նմանատիպ ժամանակահատվածի, կան էական տարբերություններ: «Այն ժամանակ լուրջ կոնֆլիկտ կար ԱՄՆ-ի ու Խորհրդային միության միջև: Իսկ այժմ Վաշինգտոնն ու Մոսկվան այն ժամանակվա պես բոլորին չեն կառավարում: Բազմաթիվ երկրներ շատ ակտիվ են տարածաշրջանում՝ Թուրքիան, Իրանը, Սաուդյան Արաբիան և այլն: Չկա երկու միատեսակ վերահսկվող բլոկ»,- բացատրել է Գուտերեշը: