Հարց չկա. Փաշինյանը ու Օսիպյանը փոխհամաձայնության եկան

Տեղեկացրել էինք, որ այսօր առավոտյան մեկնարկած քայլերթը չի հաջողվում իրականացնել, քանի որ ոստիկանները թույլ չէին տալիս: Երևանի փոխոստիկանապետ Վալերի Օսիպյանը Նիկոլ Փաշինյանից պահանջել էր դադարեցնել քայլերթը և հավաքները, քանի որ դրանք անօրինական են: Փաշինյանը ժամանակ խնդրեց՝ պահանջը քննարկելու համար, որից հետո զանգահարեց Նորքի ոստիկանության բաժանմունք և իրազեկեց, որ քիչ անց հավաք են իրականացնելու:

Օսիպյանն ի պատասխան նշեց, որ ոստիկանությունը կապահովի երթի անվտանգությունը, եթե ցուցարարները չխանգարեն երթևեկությանն ու քաղաքացիների ազատ տեղաշարժին, ինչպես նաև իրենց ներկայացնեն երթի ուղին:

 «Հարց չկա»,- ասաց Փաշինյանն, ու քայլերթը մեկնարկեց:

Նշենք, որ երթի մասնակիցները Նորքի 5-րդ զանգվածից քայլերթով կգնան մինչև Ավան: