Երկաթյա հենասյունն ընկել է «For Transit»-ի վրա

Ապրիլի 12-ին, ժամը 17:49-ին ահազանգ է ստացվել, որ Օձուն-Ալավերդի ավտոճանապարհի 1-ին ոլորանին երկաթյա հենասյունն ընկել է «For Transit» մակնիշի ավտոմեքենայի վրա, ինչի հետևանքով ավտոճանապարհը միակողմանի փակվել է. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Օձուն-Ալավերդի ավտոճանապարհի 6-րդ կմ-ին՝ ճամփեզրի երկաթյա հենասյունը ընկել է «Ford Transit» մակնիշի 26 SO 281 պետհամարանիշով (վարորդ՝ Ե. Վ.) ավտոմեքենայի վրա՝ վնասելով դիմային հատվածը. տուժածներ չկան:

Փրկարարները երկաթյա սյունը հեռացրել են ավտոմեքենայի վրայից. երթևեկությունը վերականգնվել է:

ԱԻՆ մամուլի ծառայություն