Ահաբեկչության վտանգի պատճառով Անկարայում ԱՄՆ դեսպանատունը ժամանակավորապես դադարեցրել է աշխատանքը

Անկարայում ԱՄՆ դեսպանատունը ահաբեկչական վտանգի պատճառով ժամանակավորապես դադարեցրել է աշխատանքը:

Ըստ Demokrathaber-ի՝ դեսպանատունն այդ մասին տեղեկացնող հայտարարություն է տարածել՝ նշելով, որ նման որոշում է կայացվել անվտանգության նկատառումներով:

Դեսպանատունը զգուշացրել է Թուրքիայում գտնվող ԱՄՆ քաղաքացիներին` հեռու մնալ դեսպանատան շենքից ու դրա շրջակայքից, ինչպես նաև զգոնություն ցուցաբերել զբոսաշրջային մարդաշատ վայրերում, առևտրի կենտրոններում և զվարճանքի այլ վայրերում:

Դեսպանատնից տեղեկացրել են, որ վտանգի անցնելուց հետո դեսպանատունը նորից կվերսկսի իր աշխատանքը:

ԱՄՆ դեսպանատան հայտարարությանն ի պատասխան` Անկարայի նահանգապետարանը հանդես է եկել մեկնաբանությամբ՝ նշելով, որ ձեռնարկել են անվտանգության խստացված միջոցառումներ: