Թանկացումների վերաբերյալ լսումներից հետո երկու դրական բան է արձանագրվել. Շարմազանով

Այսօր ՀՀԿ ԳՄ նիստից հետո ՀՀԿ խոսնակ Էդուարդ Շարմազանովը  լրագրողների հետ զրույցում նշեց, որ նիստում քննարկվել են  նաև թանկացումների վերաբերյալ ԱԺ լսումները: Ըստ Շարմազանովի, այդ քննարկումները արդյունավետ էին, և արդեն երկու դրական բան կա:

«Նախագահի առաջարկությամբ և նաև քննարկումների արդյունքում այսօր գյուղնախարարը հայտարարեց, որ գյուղացիական տնտեսությունները կսուբսիդավորվեն : Սա կարևոր է, և սա առաջին քայլն է գնաճի բացասական դրսևորումները զսպելու ուղղությամբ: Բացի այդ ՀՀԿ խմբակցության պատգամավորները այսօր կառավարության դատին են ներկայացրել մի նախաձեռնություն, որի արդյունքում տրանսպորտային ուղևորափոխադրումների դրույքաչափերը կիջնեն»,- ասաց Շարմազանովը:Նա հավաստաիցրեց, որ լսումների ժամանակ արված բոլոր առողջ առաջարկները անպայման կքննարկվի ԱԺ տնտեսական հարցերի հանձնաժողովի կողմից: Նա անիմաստ համարեց թանկացումների հարցը «միտինգավորելը», քանի որ դրանով ապրանքների գները չեն իջնում: