Կապանի շենքերից մեկի առաջին հարկի շքամուտքում առկա է միջնապատի փլուզման վտանգ

ԱԻՆ մամուլի ծառայության փոխանցմամբ, դեկտեմբերի 10-ին, ժամը 13:09-ին տեղեկություն է ստացվել, որ Սյունիքի մարզի Կապան քաղաքի Ձորք թաղամասի շենքերից մեկի առաջին հարկի  շքամուտքում առկա է միջնապատի (պատին ամրացված է էլ. վահանակ) փլուզման վտանգ. անհրաժեշտ է օգնություն:

Դեպքի վայր են մեկնել Մարզային փրկարարական վարչության օպերատիվ խումբը և մեկ մարտական հաշվարկ:

Փրկարարներն ապամոնտաժել են միջնապատը (մոտ 3 քմ), իսկ էլ. ցանցի աշխատակիցները՝ սահմանազատել տարածքը: 

Տեղեկությունը փոխանցվել է մարզպետարանի քաղաքաշինության, ՏԻ և ՀԳՄՀ վարչությունների, «Սեյսմիկ պաշտպանության հարավային ծառայություն» պետական ոչ առևտրային կազմակերպության պետերին, Կապանի փոխքաղաքապետին և էլ. ցանցի վթարային բրիգադի տնօրենին: