Մեկնարկել է Բաղանիսում պտղատու այգիների հիմնման ծրագիրը

Տավուշի մարզի Բաղանիս համայնքի համայնքապետ Նարեկ Սահակյանն իր ֆեյսբուքյան էջում գրել է.

«Երեք հեկտար պտղատու այգու հիմնում սահմանամերձ Բաղանիսում: ՄԱԿ-ի զարգացման աջակցության ծրագրի (ՄԱԿԶԱԾ)-ի
աջակցությամբ Բաղանիսում պտղատու այգիների հիմնման մեկնարկը արդեն տրվել է ի ուրախություն բոլորիս:
Ծրագրի շրջանակներում հիմնվելու է հոնի և պնդուկի երեք հեկտար մասիվ այգի իր առանձին ցանկապատով և ոռոգման կաթիլային համակարգով: Հողի փխրեցումից հետո կիրականացվեն ցանկապատման աշխատանքները,որից հետո կդրվեն տնկիները: Ծրագրից մասնակցում են չորս շահառու,որոնք վարելահողի սեփականատերերն են և պարտավորվել են 20 %-ի չափով մասկացություն ունենալ ծրագրի իրականացմանը»: