ԱԺ-ն ընդունեց Սևանից լրացուցիչ 100 մլն խորանարդ ջուր բաց թողնելու մասին կառավարության որոշումը

ԱԺ-ն կառավարության կողմից հրավիրված արտահերթ նիստում քննարկեց Սևանա լճից հավելյալ 100 մլն խորանարդ մետր ջուր բաց թողնելու մասին օրենքի նախագիծը և առաջին ընթերցմամբ ընդունեց այն:

Վարման կարգով ելույթ ունեցավ «Ելք» խմբակցության պատգամավոր Արտակ Զեյնալյանը: Նա նշեց, որ կարելի է այլ լուծում գտնել 130 հազար գյուղացիներին ոռոգման ջրով ապահովելու համար, քանի որ առանց այդ էլ Սևանից տարեկան 170 մլն խորանարդ մետր ջուր է բաց թողնվում: Զեյնալյանը նաև դիմեց պատգամավորներին` ասելով, որ գոնե իրենց աջակցեն, որպեսզի հնարավորորություն ունենան դիմելու Սահմանադրական դատարան և այս նախագիծը ճանաչեն հակասահմանադրական:

Նախագիծն ընդունվեց ձայների՝ 77 կողմ, 3 դեմ, 0 ձեռնպահ հարաբերակցությամբ: