Ծանր հիվանդությամբ տառապող լեգենդար Խվորոստովսկին դուրս է եկել բեմ ու երգել

Օրեր առաջ աշխարհահռչակ սիրված օպերային երգիչ Դմիտրի Խվորոստովսկին համերգ է կազմակերպել իր հայրենի Կրասնոյարսկ քաղաքում: Այդ համերգը մի քանի անգամ հետաձգվել էր երգչի հիվանդության պատճառով, սակայն Կրասնոյարսկի բնակիչները համբերատար սպասել են իրենց սիրելի երգչին:

Արդեն երկու տարի է, ինչ Խվորոստովսկին պայքարում է ծանր հիվանդության` ուղեղի ուռուցքի դեմ: Սակայն նրա հիասքանչ ձայնը, լայն ժպիտը, ֆենոմենալ կենսուրախությունը շարունակում են հիացնել: Բեմ դուրս գալով երգիչը արել է ավելին, քան հնարավոր է:

Նա դուրս է եկել բեմ` դժվարությամբ քայլելով, վիրակապած ձեռքով, խոսել դժվարությամբ, բայց` ջերմությամբ: Հանդիսատեսը չի կարողացել զսպել հուզմունքը: