Նախապես տնտեսվարողներին տեղեկացրեք պահանջների մասին, նոր գնացեք` ստուգումներ անելու. վարչապետ

Այսօր կառավարության նիստում գյուղատնտեսության նախարար Իգնատի Առաքելյանը ներկայացրեց կառավարության որոշման փոփոխություն, որով նախատեսվում է անասնապահական ֆերմաներում, սպանդանոցներում ստուգումներ անցկացնել հատուկ ստուգաթերթերի միջոցով,  ինչը կբարելավի ու առավել թափանցիկ կդարձնի այդ ստուգումները և չի խանգարի տնտեսվարողների գործունեությանը:

Վարչապետ Կարեն Կարապետյանը հավելեց. «Պարո'ն Առաքելյան, անպատճառ բոլոր սուբյեկտներին պետք է տեղեկացնել, թե ինչ պահանջներ են իրենց առջև դրվելու և ինչ են իրենցից ակնկալելու: Նախապես դրան հատուկ հսկողություն եք սահմանում, որպեսզի բիզնեսի բոլոր ներկայացուցիչները իմանան, թե սննդի անվտանգության ծառայությունն ինչ պահանջներ է ներկայացնելու, նոր միայն գնան` ստուգումներ անելու»: