Էրդողանի թիկնապահը փակել է քուրդ կնոջ բերանն ու քարշ տվել նրան. ԱՄՆ Հայ Դատը փաստեր է ներկայացնում

ԱՄՆ Հայ Դատի գրասենյակի գործադիր տնօրեն Արամ Համբարյանը նոր փաստեր է ներկայացրել Թուրքիայի նախագահ Էրդողանի՝ ԱՄՆ այցի ընթացքում նրա թիկնապահների և էրդողանամետ խմբի հարձակումից:

Միջանկյալ հիշեցնենք, որ ԱՄՆ-ում մի խումբ էրդողանամետ ցուցարարներ Էրդողանի թիկնախահների մասնակցությամբ հարձակվել էին Թուրքիայի դեսպանատան դիմաց Թուրքիայի նախագահի այցի դեմ բողոքի խաղաղ ցույց անցկացնող հայերի, քրդերի և եզդիների վրա: Թիկնապահներին հեռացնելու համար ոստիկանները ստիպված էին եղել կիրառել մահակներ: Եղել են տուժածներ և ձերբակալվածներ:

Արամ Համբարյանի տարածած տեսանյութում հստակ երևում է, թե ինչպես է Էրդողանի թիկնապահներից մեկը փակում քուրդ կնոջ բերանն ու նրան քարշ տալիս: Բռնության ենթարկված կինը ԶԼՄ-ների հետ զրույցում կոչ է արել ուշադրության արժանացնել ժողովրդավարության և այլակարծության վրա Անկարայի հարձակմանը թե' Թուրքիայում, թե' արտերկրում: