Միքայել Մելքումյանը` ԱԺ փոխնախագահի թեկնածու

Քիչ առաջ ավարտվեց «Ծառուկյան» դաշինքի ներկայացուցիչների հանդիպումը Գագիկ Ծառուկյանի հետ: Հանդիպման ավարտից հետո դաշինիքի ներկայացուցիչ Վահե Էնֆիաջյանը լրագրողներին հայտնեց, որ քննարկվել են ներքին կազմակերպական հարցեր: Նրա խոսքով` խմբակցության ղեկավար կլինի, ինչպես կանխատեսվում էր, դաշինքի ղեկավար Գագիկ Ծառուկյանը, իսկ ԱԺ փոխնախագահի պաշտոնում առաջադրել են Միքայել Մելքումյանի թեկնածությունը:

«Ըստ օրենքի` մենք հնարավորություն ունենք նաև թեկնածուներ ներկայացնել երեք հանձնաժողովների նախագահների պաշտոնում` Վարդևան Գրիգորյանը, Վարդան Բոստանջյանը և Նաիրա Զոհրաբյանը: Այս պահին նրանց թեկնածությունն է քննարկվում»,- ասաց Էնֆիաջյանը:

Ամենայն հավանականությամբ, խմբակցության քարտուղարը կլինի հենց Էնֆիաջյանը, թեև նա նշեց, որ խմբակցության նիստի ժամանակ այդ և այլ հարցեր կքննարկվեն: