Ադրբեջանի ամենախոշոր բանկը դադարեցրել է արտաքին պարտքի վճարումները

Ադրբեջանի խոշորագույն բանկը՝ Ադրբեջանի միջազգային բանկը, որը հայտնվել է փլուզման եզրին երկրում արժույթի դեֆիցիտի և արժութային սուր ճգնաժամի հետևանքով, դադարեցրել է արտաքին պարտքի վճարումները և պարտքի վերակառուցման շուրջ բանակցություններ կսկսի վարկատուների հետ. հայտնում է Forbes.ru-ն:

Ադրբեջանի միջազգային բանկը մայիսի 10-ին բաց է թողել 100 միլիոն դոլար վարկի տոկոսների և հիմնական պարտքի վճարումը:

Օտարերկրյա արժույթով պարտքերի մի մասը կփոխարինվի Ադրբեջանի սուվերեն պարտատոմսերով, իսկ վերակառուցման առաջարկվող պլանը պարտադիր կդառնա, եթե այն հավանության արժանացնեն վարկատուները, որոնց հասնում է պարտքերի երկու երրորդը: