Փողոցներում թրև եկող բեզդելնիկներ. Իգիթյանը` Փաշինյանի ու Փոստանջյանի մասին

Այսօր քարոզարշավի շրջանակներում Երևանի ավագանու ընտրություններում ՀՀԿ թեկնածու Տարոն Մարգարյանն իր թիմի հետ եղավ Ավան համայքնում: Երևանի ավագանու ՀՀԿ խմբակցության անդամ Լևոն Իգիթյանը ելույթ ունեցավ, ասելով, որ շատ ուրախ է, որ նորից ընդգրկված է քարոզարշավի կազմում:

«Տարոնի կողքին մենք հավատում ենք, որ նրա ծրագրերը ռեալ ծրագրեր են:Երբ Տարոն Մարգարյանը մի բեռի տակ է մտնում, էդ բեռը թեթևանում է, և մենք երջանկանում ենք: Դրա համար չեմ կարող դիմել, որ նրա օգտին քվեարկեք, ես չպետք է դիմեմ, այլ դուք ձեր բանականությամբ մտածեք, թե երեք թեկնածուներից որի կենսագրությունն է մեզ պատվաբեր, գործ անողի՞, թե՞ փողոցներում թրև եկող բեզդելնիկներին, որոնք քաղաքական ճահճում 25 տարի է` քաղաքականացրել են մեր երկիրը:Ես Տարոն Մարգարյանին միտինգներում չեմ տեսել, ես տեսել եմ, որ նա գիշեր-ցերեկ աշխատել է»,- ասաց նա: