Մենք դժգոհ ենք Եվրոպական Միության գործունեությունից. Հունգարիայի վարչապետ

Հունգարիայի վարչապետ Վիկտոր Օրբանը դժգոհություն է արտահայտել Եվրոպական Միության ոչ արդյունավետ գործունեության վերաբերյալ: Այս մասին հայտնում է «РИА Новости»-ն:

«Մենք դժգոհ ենք Եվրոպական Միության գործունեությունից: Երբ մենք քննադատում ենք Եվրոպական Միությանը, ցանկանում ենք ուղղել դրա սխալները: Մենք ցանկանում ենք բարեփոխել ԵՄ-ը և անում ենք հնարավոր ամեն ինչ դրա անարդյունավետության դեմ պայքարելու համար», - ասել է վարչապետը:

Օրբանի խոսքով` լավ թերապիան առաջին հերթին պահանջում է լավ ախտորոշում, և իրենք պետք է շատ հստակ խոսեն վատ ընթացող բաների մասին:

«Մեր դեպքում ցանկանում ենք անկեղծ լինել, նույնիսկ այն դեպքում, երբ գիտենք, որ դա բոլորին դուր չի գա», - ասել է Օրբանը` ԵՄ-ի ինստիտուտներին կոչ անելով հրաժարվել «գաղափարական տարաձայնություններից» և «հաղթահարել նախապաշարմունքները»: