Ազնվորեն եմ ասում` ձեզ համար անհանգստանում ենք. «Մալաթիա» տոնավաճառի աշխատակիցը` Փոստանջյանին

Ժողովրդին մի հնարավորություն չեն թողնում, որ ապրի, և դրա համար էլ արտագաղթում են: Այսօր «Մալաթիա» տոնավաճառում «Երկիր ծիրանի»-ի քարոզարշավի ժամանակ քաղաքապետի թեկնածու Զարուհի Փոստանջյանի հետ զրույցում ասաց տոնավաճառի աշխատակիցներից մեկը: 

Տղամարդը նշեց, թե Ադրբեջանի նախագահ Իլհամ Ալիևը ճիշտ է ասել, որ Հայաստանն ինքն իրեն կվերանա, ոչ թե իրենք կվերացնեն: Փոստանջյանը, սակայն, չհամաձայնեց  վերջինիս հետ. «Եկեք` չցիտենք մեր թշնամիներին, և դառնանք մեկ բռունց, քաղաքացիական գիտակցություն ունեցող մարդիկ և պաշտպանենք մեր իրավունքների համար»:

Մեկ ուրիշն էլ ասաց, թե Փոստանջյանն ինչ խոսում է` իրենց սրտից է խոսում.«Ազնվորեն եմ ասում` ձեզ համար անհանգստանում ենք»: Փոստանջյանը նշեց, թե անհանգստանալ պետք չէ, միայն պայքարել է պետք: