Հայ-ռուսական ներդրումային ֆոնդը գործունեությունը սկսելու է 100 միլիոն դոլարով

Այսօր` կառավարության նիստից հետո, լրագրողների հետ զրույցում տնտեսական զարգացման և ներդրումների նախարար Սուրեն Կարայանը անդրադարձավ ներդրումային ֆոնդի  վերաբերյալ փոխըմռնման հուշագրին, որը ստորագրվեց ՀՀ և ՌԴ միջև: Ըստ նրա` ներդրումային գործընթացն արդեն իսկ սկսվել է Հայաստանում, և ամեն եռամսյակը մեկ տնտեսական զարգացման և ներդրումների նախարարությունը հաշվետվություն է ներկայացնելու ներդրումային գործընթացի վերաբերյալ:

Ըստ այդ հուշագրի`  երկու երկրների միջև ստեղծվում է համատեղ ներդրումային ֆոնդ, և այն ծրագրերը, որոնք կներկայացվեն Ռուսաստանին, կարող են ֆինանսավորվել համապատասխան հարթակում: Ըստ նախարարի, առաջին փուլում 50 միլիոն դոլար կտրամադրվի Ռուսաստանի կողմից, 50 միլիոնն էլ` Հայաստանի կողմից: Այդ գումարները կարող են ավելանալ` կախված ներդրումային ծրագրերից: