Ոչ թե ես, այլ Դավութօղլուն պետք է դատվի. Դեմիրթաշ

Թուրքիայում քրդամետ Ժողովուրդների դեմոկրատական կուսակցության՝ կալանքի տակ գտնվող համանախագահ Սելահաթթին Դեմիրթաշը հայտարարել է, որ երկրի նախկին վարչապետ Ահմեդ Դավութօղլուն պետք է դատվի:

Ըստ Demokrathaber-ի՝ Դավութօղլուին «դավաճան» անվանելու համար դատվող Դեմիրթաշը հերքել է նրան այդպես անվանելու պնդումները:

«Ես նրան «դավաճան» չեմ անվանել: Նա է ինձ այդպես անվանել: Ոչ թե ես, այլ Դավութօղլուն պետք է դատվի»,- հայտարարել է նա:

Նշենք, որ Դեմիրթաշը և ԺԴԿ այլ պատգամավորներ շարունակում են մնալ կալանքի տակ՝ «ահաբեկչական խմբավորմանն աջակցելու և դրա քարոզչությունն իրականացնելու» մեղադրանքով՝ միաժամանակ դատվելով նաև ևս մի քանի մեղադրանքներով: