Կբարևեք Սասունին. Սեյրան Օհանյան

Այսօր Հրազդան քաղաքում քարոզարշավ էր իրականացնում ՕՐՕ դաշինքը: Պաշտպանության նախկին նախարար Սեյրան Օհանյանը բնակիչների հետ հանդիպելուց հետո որոշեց այցելել «Ելք» դաշինքի անդամ Սասուն Միքայելյանին:

«Անկախ քաղաքական զարգացումներից` Սասուն Միքայելյանը իմ մարտական ընկերն է, և ես մեծ հարգանք եմ տածում նրա նկատմամբ: Ես հաջողություն եմ ցանկանում նրան իր բռնած գործում»,- ասաց Սեյրան Օհանյանը լրագրողների հետ զրույցում:

Սակայն շտաբ հասնելուն պես պարզ դարձավ, որ Սասուն Միքայելյանը շտաբում չէ` Գեղարքունիքի մարզում քարոզարշավ է իրականացնում:

«Կբարևեք Սասունին»,- ասաց Սեյրան Օհանյանը Սասուն Միքայելյանի թիմակիցներին: