Արթիկում տան տանիքներ են փլուզվել

Փետրվարի 11-ին, ժամը 19:07-ին ահազանգ է ստացվել, որ Արմավիրի մարզի Արմավիր քաղաքի Թումանյան փողոցի թիվ 49 տան մուտքի ծածկը պոկվել է և փակել մուտքի դուռը. անհրաժեշտ է փրկարարների օգնությունը:

Դեպքի վայր են մեկնել մարզային ճգնաժամային կառավարման կենտրոնի օպերատիվ խումբը և մեկ մարտական հաշվարկ:

Պարզվել է, որ կուտակված ձյան ծանրությունից պոկվել է Արտյոմ Թովմասյանին պատկանող տան մուտքի ծածկն իր երկաթյա կառուցատարրերով՝ ամբողջությամբ (մոտ 20 քմ):

Փրկարարներն ապամոնտաժել են ծածկը:

***

Փետրվարի 11-ին, ժամը 12:57-ին ահազանգ է ստացվել, որ  Շիրակի մարզի Արթիկ քաղաքի Տոնականյան փողոցի թիվ 25 տան տանիքը մասամբ փլուզվել է:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ կուտակված ձյան պատճառով մասամբ փլուզվել է Է. Ա.-ին  պատկանող տան տանիքը (100 քմ):

***

Փետրվարի 11-ին, ժամը 11:02-ին ահազանգ է ստացվել, որ Շիրակի մարզի Արթիկ քաղաքի Սասունցի Դավիթ փողոցի թիվ 3/2 շենքի տանիքը մասամբ փլուզվել է:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ կուտակված ձյան պատճառով մասամբ փլուզվել է 5 հարկանի շենքի տանիքը (130 քմ):