Թրամփը չի բացահայտել Օբամայի թողած նամակի բովանդակությունը

Սպիտակ տան Օվալաձև աշխատասենյակի գրասեղանի դարակներից մեկում ԱՄՆ նախկին նախագահ Բարաք Օբաման ավանդույթի համաձայան նամակ է թողել ներկայիս նախագահ Դոնալդ Թրամփին: Kp.ru-ն գրում է, որ այս մասին Թրամփը հաղորդել է երդմնակալության արարողության ժամանակ:

«Ես մտա Օվալաձև սենյակ և գտա նախագահ Օբամայի թողած այս հրաշալի նամակը: Նրա կողմից հրաշալի քայլ էր այս նամակը գրելը»,-ասել է Թրամփը՝ ցույց տալով լրագրողներին նամակի ծրարը, սակայն նա նամակի բովանդակությունը չի բացահայտել:

Սպիտակ տանը Օվալաձև սենյակում հեռացող նախագահի նամակ թողնելը հին ավանդույթ է, սակայն թե այնտեղ ինչի մասին է ասվում, սովորաբար լայն հանրության համար գաղտնի է մնում: