Անվերջ հրաժեշտ են տալիս, բայց չեն հեռանում. Պուտին

Ռուսաստանի նախագահ Վլադիմիր Պուտինը կարծիք է հայտնել, որ Բարաք Օբամայի հեռացող վարչակազմը փորձում է խաթարել Դոնալդ Թրամփի` երկրի ղեկավարի պաշտոնում ընտրվելու օրինականությունը:

Ինչպես հաղորդում է НТВ հեռուստաալիքի կայքը, Պուտինը հայտարարել է, որ ԱՄՆ-ում շարունակվում է ներքին քաղաքական պայքարը, թեև նախագահական ընտրությունները վաղուց ավարտվել են Դոնալդ Թրամփի վստահ հաղթանակով:

ՌԴ-ի ղեկավարի խոսքով` այդ պայքարը մի քանի նպատակ ունի, որոնցից հիմնականը Թրամփի հաղթանակի օրինականությունը խաթարելն է:

«Կան մարդիկ, որոնք հեռանում են առանց հրաժեշտ տալու, իսկ կան մարդիկ, որոնք անվերջ հրաժեշտ են տալիս, բայց չեն գնում: Ահա և հեռացող վարչակազմն, իմ կարծիքով, պատկանում է երկրորդ խմբին»,- ասել է Պուտինը` մեկնաբանելով ԱՄՆ-ում ստեղծված իրավիճակը: