ՀՀԿ-ական դառնալուց հետո իմ կյանքում ոչինչ չի փոխվել. նախարար

Այսօր ՀՀ տրանսպորտի, կապի և ՏՏ նախարար Վահան Մարտիրոսյանը ամփոփեց 2016 թվականը և իր աշխատանքի երեք ամիսը:

Լրագրողները հարցրեցին վարչապետի կողմից բարձրացված` «պրիմիտիվ գողության» երևույթի մասին` արդյո՞ք նրա ղեկավարած նախարարությունում նախկինում եղել են նման դեպքեր, կա՞ն, ինչպե՞ս է պայքարում նման երևույթների դեմ:

«Պրիմիտիվ գողությանը իմ աշխատանքի ընթացքում չեմ հանդիպել: Իմ պահանջն էլ եղել է որ բոլորն աշխատեն մաքուր: Հուսով եմ, որ նախկինում էլ գողություն չի եղել: Չեմ կարող մեկնաբանել դա»,- ասաց նախարարը:

Լրագրողները հետաքրքրվեցին` արդյո՞ք ինչ-որ բան փոխվել է նախարարի կյանքում հանրապետական դառնալուց հետո: Վահան Մարտիրոսյանը պատասխանեց. «Հանրապետական դառնալուց հետո իմ կյանքում ոչինչ չի փոխվել»: